Јаҥар айдыҥ 1 кӱнинде Алтай Республиканыҥ ÿредÿ ишчилериниҥ билгирин бийиктедер ле такып профессионал ÿредÿ берер институтта алтай тил ле литератураныҥ ӱредӱчилериниҥ биригӱзиниҥ јууны ӧтти. Јуунды ректордыҥ ордынчызы болуп иштеп турган Екатерина Дмитриевна Чандыева ачып, Москва калада Тӧрӧл тилдиҥ ӱредӱчилери ортодо Текшироссиялык мастер-класстыҥ јеҥӱчили болуп чыккан Баграшева Юлия Карандашевнаны уткыды. Анайып, биригӱниҥ јуунында ӱредӱчилер Республикан классический лицейдиҥ алтай тил ле литератураныҥ ӱредӱчизиле Юлия Карандашевнала туштажып, куучынын уккан. Онойдо ок бу конкурста туружып, јеҥӱчил болгон Чербыкова Ырыс Чолтоевнаныҥ, Яконур јурттыҥ орто ӱредӱлӱ школыныҥ баштамы класстардыҥ ӱредӱчизиниҥ ижи аайынча јол-јорыкка кожо јӱрген Татьяна Армисовна јетирӱ этти. Ӱредӱчилер бу јаан једимдерге јеткенин куучындап, конкурска канайда белетенери керегинде куучындагандар.
Ӱлӱрген айдыҥ 24-25 кӱндеринде Москва калада Тӧрӧл тилдиҥ ӱредӱчилери ортодо Текшироссиялык мастер-класстыҥ ӱчинчи бӧлӱги ӧткӧн. Алтай Республиканаҥ бу конкурстыҥ јеҥӱчилдери болуп Баграшева Юлия Карандашевна, Республикан классический лицейдиҥ алтай тил ле литератураныҥ ӱредӱчизи, Чербыкова Ырыс Чолтоевна, Яконур јурттыҥ орто ӱредӱлӱ школыныҥ баштамы класстардыҥ ӱредӱчизи айттыру бичиктер алган.
Быјыл ӧткӧн Текшироссиялык мастер-класста башка-башка јерлердеҥ 318 ӱредӱчи турушкан. Конкурстыҥ жюризиниҥ талдаганы аайынча јеҥӱчилдерди кайралдаарга ороонныҥ тӧс калазына 18 јеҥӱчил ле 12 туружаачыны кычыргандар.
Конкурстыҥ калганчы бӧлӱгинде Гран-при кайралды чуваш тилдиҥ ӱредӱчизи Краснова Нелли Анатольевна (Новочебоксарск кала) алды.
Алтай Республиканаҥ барган ӱредӱчилер эки номинацияда јеҥӱчилдер болуп чыккан. «Ӱредӱчи-мастер» деп номинацияда баштапкы дипломло Баграшева Юлия Карандашевна (Республикан классический лицей), «Јурт јердиҥ ӱредӱчизи» деп номинацияда ӱчинчи дипломло Чербыкова Ырыс Чолтоевна (Яконур јурттыҥ орто ӱредӱлӱ школы) кайралдаткандар.
Уткуп турубыс!
Кӱндӱлӱ ӱредӱчилер!
2016 јылдыҥ сыгын айыныҥ 20-29 кӱндеринде Алтай Республиканыҥ ÿредÿ ишчилериниҥ билгирин бийиктедер ле такып профессионал ÿредÿ берер институтта баштамы класстарда алтай тил ле литератураны ӱредип турган ӱредӱчилердиҥ билгирин бийиктедер «Реализация этнокультурного содержания образования в соответствии с ФГОС НОО, ФГОС для обучающихся с ОВЗ» деп тема аайынча ӱредӱ курстар ӧдӧр.
Курстарда ајару баштамы класстарда алтай тилди ле литератураны ӱредерине эдилер, ӱренчиктердиҥ билгирлерин кӧрӧри аайынча билим-практикалык конференция, школдордо стажировка, лекция ла практикалык занятиелер ӧдӧр. Анайда ок мында АКИПКРО-ныҥ ишчилери су-кадыгыны кирелӱ балдарла иштеер ченемелиле ӱредӱчилерди таныштырар.
Билгирин бийиктедер кӱӱндӱ ӱредӱчилерди ӱредӱге кычырып турубыс.
Итоги заочного конкурса
«Лучший интегрированный урок»
Конкурс «Лучший интегрированный урок» проводился с 1 апреля по 25 мая 2016 года. В конкурсе приняли участие 24 учителя образовательных учреждений Республики Алтай. Всего было представлено 18 работ.
Активно приняли участие учителя начальных классов алтайского языка и литературы, русского языка и литературы, истории, физики, физической культуры, педагог-психолог Онгудайского района (9 чел.), Усть-Канского района (4 чел.), Кош-Агачского района (5 чел.), Турочакского района (2 чел.), Горно-Алтайска (2 чел), республиканские учреждения (2 чел.) Не приняли участие учителя города Горно-Алтайска, республиканских учреждений, Усть-Канского, Онгудайского, Кош-Агачского, Турочакского районов.
Страница 15 из 15