Ӱлӱрген айдыҥ 17-чи кӱнинде  Институтта «Кӧгӱстеҥ чыккан сӧстӧр» деп адалган ӱлгерлик эҥир ӧтти. Бу эҥирге поэтесса Гюзель Елемова ла национальный театрдыҥ артизи Айдар Унатовло туштажу ӧтти.

     Туштажуда Гюзель Элемова бойыныҥ литературада чӱмдемел јолы керегинде куучыдап тура, бойыныҥ ӱлгерлерин алтай ла орус тилле кычырды. Гюзель Елемованыҥ Л.В. Кокышев, А.О. Адаров, Э.М. Палкин, Б.У. Укачин керегинде эске алыныштары јилбилӱ болды.

     Јайалталу јиит актер, Айдар Унатов ӱредӱчилерге актердыҥ ижиниҥ бир келтейин кӧргӱзип, тынышты, ӱнди канайда тузаланза эптӱ болорыныҥ бир канча эп-аргаларын кӧргӱскен.

     Эҥирдиҥ экинчи бӧлӱгинде ӱредӱчилер ортодо ӱлгерлик конкурс ӧтти. Алтай тил ле литератураныҥ, орус тил ле литератураныҥ ӱредӱчилери 13 кижи конкурста туруштылар. Ӱредӱчилер Л.В. Кокышевтиҥ, Паслей Самыктыҥ ӱлгерлерин кычырдылар. 1 степеньдӱ дипломло Шыргайтыныҥ орто ӱредӱлӱ школыныҥ алтай тил ле литератураныҥ ӱредӱчизи З.А. Боделукова кайралдатты, 2 степеньдӱ дипломло Кӧкӧрӱниҥ  орто ӱредӱлӱ школыныҥ алтай тил ле литератураныҥ ӱредӱчизи Н.С. Баданова ла  Балыктуюльдыҥ орто ӱредӱлӱ школыныҥ алтай тил ле литератураныҥ ӱредӱчизи Н.К. Тудуева алдылар. 3 степеньду дипломды Турочактыҥ орто ӱредӱлӱ школыныҥ орус тил литератураныҥ ӱредӱчизи  Л.Ф.Авдеева ла  алды Алдыгы-Талдуныҥ  орто ӱредӱлӱ школыныҥ алтай тил ле литератураныҥ ӱредӱчизи Е.М. Чехонова алдылар.