Ӱлӱрген айдыҥ 19-чы кӱнинде алтай тилдиҥ баштапкы методизи, билимчи, јарлу ӱредӱчиниҥ Н. Н. Суразакованыҥ эзем-мемориал доскозыныҥ јанында митинг ӧткӱрилди.

     Бу митингте јуулгандардыҥ ортозында алтай тилдиҥ ле литератураныҥ ӱредӱчилери, Горно-Алтайский педагогикалык колледжтиҥ ӱренеечилери М. Ю. Анышевага баштадып келдилер.

     Јуулгандарга баштану сӧзин Алтай Республиканыҥ ӱредӱ ле билим министриниҥ баштапкы ордынчызы О. Б. Болтошева, Алтай Республиканыҥ ÿредÿ ишчилериниҥ билгирин бийиктедер ле такып профессионал ÿредÿ берер институдыныҥ билим-методикалык иш аайынча проректоры А. А. Иркитова айттылар. Бойыныҥ сӧзинде олор Н. Н. Суразакованыҥ ижиниҥ турултазы Алтай Республиканыҥ ӱредӱ ле билиминиҥ ӧзӱмине јаан камаанын јетиргенин темдектегилеп, алтай методиканыҥ бек ле быжу тӧзӧлгӧзи иштеринде иле салынганын чокымдады.

     Ӱредӱчизин эске алынып, Л. Д. Сахарова Горно-Алтайск каланыҥ 9-чы таҥмалу «Гармония» гимназияныҥ алтай тил ле литератураныҥ ӱредӱчизи, Н. К. Тудуева, Балыктујул јурттыҥ орто ӱредӱлӱ школыныҥ алтай тил ле литератураныҥ ӱредӱчизи, база сӧс айттылар.

     Митингтиҥ учында јуулган улус Н. Н. Суразакованы эзедип, мемориал доскозына чечектер салгылады.

     19 октября 2018 состоялся митинг у мемориальной доски методиста алтайского языка, ученого, профессора ГАГУ Н. Н. Суразаковой.

     В митинге приняли участие учителя алтайского языка и литературы, приехавшие на курсы повышения квалификации в БУ ДПО РА «ИПК и ППРО РА», студенты Горно-Алтайского педагогического колледжа с руководителем М. Ю. Анышевой.

         Ӱредӱчилердиҥ билгирин бийиктедер ле такып профессионал ӱредӱ берер институтта ӱлӱрген айдыҥ 18-чи кӱнинде ӱредӱчилерге ле ада-энелерге учурлалган алтай тилди ӱренериниҥ сурактары аайынча «Тӧрӧл тил – калыктыҥ ич байлыгыныҥ тӧзӧлгӧзи» (Самая большая ценность народа – его язык) деп консультационный площадка ӧтти. Площадкада ӱредӱчилер ле ада-энелер эмдиги ӧйдиҥ ӱренчиктерин тӧрӧл тилине ӱредерине јилбиркедериниҥ ченемелиле ӱлежип, ӧмӧ-јӧмӧ аайына чыгар бир канча сурактарды шӱӱшкен. 

         Јуунда одустаҥ артык ада-энелер ле ӱредӱчилер турушты. Ӱредӱчилердиҥ билгирин бийиктедер ле такып профессионал ӱредӱ берер институттыҥ  билим иш аайынча  проректоры Иркитова Айжан Акчабаевна уткуул сӧстӱ баштанып, тӧрӧл тилди ӱренериниҥ курч сурактарына ајару этти. Институттыҥ  алтай тилди ле литератураны ӱредер методиканыҥ кафедразыныҥ јааны Амырова Жанна Иостыновна Алтай Республиканыҥ ӱредӱлик организациялары алтай тил ле литератураныҥ УМК-ларыла  јеткилделгени аайынча куучындап, эмдиги ӧйдиҥ некелтелериле тургузылган бичиктерле канайда иштеери керегинде айтты.

           В рамках республиканских мероприятий, посвященных празднованию Дня алтайского языка, Институт провел консультационную площадку «Тӧрӧл тил – калыктыҥ ич-кӧгӱс байлыгыныҥ тӧзӧлгӧзи» (Самая большая ценность народа – его язык) по вопросам изучения алтайского языка для учителей и родителей. В работе консультационной площадки приняли участие более 30-ти родителей и учителей.

    Ӱлӱрген айдыҥ 16-чы кӱнинде ÿредÿ ишчилериниҥ билгирин бийиктедер курстардыҥ ӧйинде алтай тил ле литератураныҥ ӱредӱчилериниҥ таҥынаҥ ижин кӧрӱ-выставказы ӧткӧн. Ӱредӱчилер - А. В. Курдяпова (Кош-Агаш јурттыҥ В. И. Чаптыновтыҥ адыла адалган орто ӱредӱлӱ школыныҥ алтай тил ле литератураныҥ ӱредӱчизи), А. Г. Усольцева (Теленгит-Сортогой јурттыҥ орто ӱредӱлӱ школыныҥ алтай тил ле литератураныҥ ӱредӱчизи), О. Н. Саланханова (Кӧкӧрӱ јурттыҥ орто ӱредӱлӱ школыныҥ алтай тил ле литератураныҥ ӱредӱчизи) бойыныҥ эрчимдӱ педагогикалык ижиниҥ јажыттарын ачып, јуулган ӱредӱчилерге ижиниҥ аҥылузын куучындагылады.