«Алтай тил ле литератураныҥ ӱредӱчизи - 2017» деп республикан конкурс-маргаан ӧтти

       2017 јылдыҥ тулаан айыныҥ 13-17 кӱндеринде Кан-Оозы аймактыҥ Экинур јуртыныҥ орто текши ӱредӱлӱ школында «Алтай тил ле литератураныҥ ӱредӱчизи - 2017» деп республикан конкурс-маргаан ӧтти. Конкурста туружар кӱӱнин сегис ӱредӱчи угускан: Бибиева Марина Алексеевна, Оҥдой аймактагы Боочыныҥ орто ӱредӱлӱ школыныҥ алтай тил ле литератураныҥ ӱредӱчизи; Ертакова Сурая Васильевна, Шабалин аймакта М.В. Карамаевтиҥ адыла адалган Акјолдыҥ тӧс текши ӱредӱлӱ школыныҥ алтай тил ле литератураныҥ ӱредӱчизи; Санина Наталья Николаевна, Улаган аймактагы Улаганныҥ орто ӱредӱлӱ школыныҥ алтай тил ле литератураныҥ ӱредӱчизи; Тайлунова Венера Михайловна, Кош-Агаш аймактагы Ташантаныҥ тӧс текши ӱредӱлӱ школыныҥ алтай тил ле литератураныҥ ӱредӱчизи; Чендекова Анжела Борисовна, В.К. Плакастыҥ адыла адалган республикан гимназиязыныҥ алтай тил ле литератураныҥ ӱредӱчизи; Тактаева Оксана Витальевна, Кан-Оозыныҥ орто ӱредӱлӱ школыныҥ баштамы класстардыҥ ӱредӱчизи; Темдекова Любовь Юрьевна, Улаган аймактагы Саратанныҥ орто ӱредӱлӱ школыныҥ алтай тил ле литератураныҥ ӱредӱчизи; Яимова Алла Владимировна, Горно-Алтайск каланыҥ 7 таҥмалу орто ӱредӱлӱ школыныҥ баштамы класстардыҥ ӱредӱчизи.

Конкурстыҥ туружаачыларыныҥ ижин баалап, ончо јанынаҥ теҥ-тай ширтеп, ӱредӱчилер бойыныҥ ижин једимдӱ ле бийик кеминде кӧргӱзерине јарамыкту айалга тӧзӧп иштеген жюриниҥ ижин база темдектегедий. Олор: Анышева Марина Юрьевна, Горно-Алтайсктыҥ педагогический колледжиниҥ алтай бӧлӱгиниҥ башкараачызы, алтай тил ле литератураныҥ ӱредӱчизи, жюриниҥ председатели; Киндикова Альбина Викторовна, Горно-Алтайсктыҥ эл университетте тюркология ла алтаистика факультединиҥ алтай литератураныҥ кафедразыныҥ доценти, филология билимдердиҥ кандидады, жюриниҥ турчызы; Кыпчакова Валентина Васильевна, Ӱредӱликтиҥ Бастырароссиялык Профсоюзыныҥ Алтайдагы республикан тӧзӧмӧлиниҥ республикан комитединиҥ Чыдулалган чыгартылу кижизи, жюриниҥ турчызы; Тыдыкова Надежда Николаевна, С. С. Суразаковтыҥ адыла адалган алтаистика институттыҥ баш билим ишчизи, жюриниҥ турчызы; Чербыкова Ырыс Чолтоевна, Экинурдыҥ орто ӱредӱлӱ школыныҥ баштамы класстардыҥ ӱредӱчизи, «Алтай Республиканыҥ алтай тил ле литератураныҥ ӱредӱчизи - 2015» конкурстыҥ јеҥӱчили, жюриниҥ турчызы.

Конкурстыҥ туружаачылары «Портфолио баалары», «Таныштыру», «Методикалык биригӱ», «Ачык эрмек-куучын», «Ачык урок ло оны ылгаары», «Мастер-класс» деп адалган ченелтелер ӧткӧн. Анайып, ченелтелерди турумкай ӧдӱп, ӱредӱчилер башка-башка дипломдорло кайралдаттылар: «Учитель-мастер» ‒ Санина Наталья Николаевна, Улаган аймактагы Улаганныҥ орто ӱредӱлӱ школыныҥ алтай тил ле литератураныҥ ӱредӱчизи, «Учитель-методист» ‒ Тактаева Оксана Витальевна, Кан-Оозыныҥ орто ӱредӱлӱ школыныҥ баштамы класстардыҥ ӱредӱчизи; «Учитель-новатор» ‒ Ертакова Сурая Васильевна, Шабалин аймакта М.В. Карамаевтиҥ адыла адалган Акјолдыҥ тӧс текши ӱредӱлӱ школыныҥ алтай тил ле литератураныҥ ӱредӱчизи «Учитель – эрудит» ‒ Яимова Алла Владимировна, Горно-Алтайск каланыҥ 7 таҥмалу орто ӱредӱлӱ школыныҥ баштамы класстардыҥ ӱредӱчизи, «За методическую эрудицию» ‒ Чендекова Анжела Борисовна, В.К. Плакастыҥ адыла адалган республикан гимназиязыныҥ алтай тил ле литератураныҥ ӱредӱчизи, «Учитель – хранитель традиций» ‒ Бибиева Марина Алексеевна, Оҥдой аймактагы Боочыныҥ орто ӱредӱлӱ школыныҥ алтай тил ле литератураныҥ ӱредӱчизи, «Лучшая визитная карточка» ‒ Тайлунова Венера Михайловна, Кош-Агаш аймактагы Ташантаныҥ тӧс текши ӱредӱлӱ школыныҥ алтай тил ле литератураныҥ ӱредӱчизи; «Лучший мастер-класс» ‒ Темдекова Любовь Юрьевна, Улаган аймактагы Саратанныҥ орто ӱредӱлӱ школыныҥ алтай тил ле литератураныҥ ӱредӱчизи

Ончо конкурстыҥ бӧлӱктерин једимдӱ ӧдӱп, кызу тартыжуда јеҥӱчил болуп В. К. Плакастыҥ адыла адалган республикан гимназияда алтай тил ле литератураныҥ ӱредӱчизи Анжела Борисовна Чендекова чыкты. Јеҥӱчилге Горно-Алтайск калада ӧткӧн Алтай Республиканыҥ педагогикалык устарыныҥ неделезиниҥ кӧдӱријилӱ јабылтазында «Алтай тилдиҥ ле литератураныҥ ӱредӱчизи-2017» деп кӱндӱлӱ кайрал табыштырылды.

Јаан республикан маргаанда эрчимдӱ турушкан јеҥӱчилге А.Б. Чендековага, билгири, ус ченемели једимдӱ ӱредӱчилериске оноҥ ло ары бийик једимдер кӱӱнзейдис.

DSC_0075
DSC_0075
DSC_0531
DSC_0531
IMG_20170314_140809
IMG_20170314_140809
IMG_20170315_085216
IMG_20170315_085216
IMG_20170315_085549
IMG_20170315_085549
IMG_20170315_093329
IMG_20170315_093329
IMG_20170315_093345
IMG_20170315_093345
IMG_20170315_102952
IMG_20170315_102952
IMG_20170315_112758
IMG_20170315_112758
IMG_20170315_134335
IMG_20170315_134335
IMG_20170315_135409
IMG_20170315_135409
IMG_20170315_142631
IMG_20170315_142631
IMG_20170315_143544
IMG_20170315_143544
Previous Next Play Pause
1 2 3 4 5 6 7 8 9 10 11 12 13